@ 
風雨季即將來臨，為咗更好應對不穩定天氣 ，葵青民政處、區議員、三會成員同關愛隊 已經做好準備，隨時候命 ，留意突發情況，向區內居民發放最新資訊 。
葵青民政處日前特別為關愛隊舉辦咗喺臨時庇護中心協助入住人士嘅演習同簡介 。葵青民政專員鄧顯權向大家介紹有關運作流程 ，仲提醒大家喺颱風期間出勤時嘅注意事項 。 關愛隊更即場演習，協助有需要人士入住庇護中心，提供協助同關懷 。
今次演習對提升社區嘅應急能力非常重要，確保關愛隊喺面對不穩定天氣時 ，能夠迅速有效咁幫助到居民 ，保障佢哋嘅生命財產 。
感謝當日參與嘅各關愛隊隊長、成員及義工，我哋一齊為社區嘅安全健康加油！