@ 
每位青年都係未經琢磨嘅鑽石 ，只要經過打磨，終會綻放耀眼嘅光芒 ！由葵青民政處聯同葵青區青年發展及公民教育委員會主辦嘅「葵青區青年活動頒獎禮2025」3月下旬喺長青社區會堂圓滿舉行 ！今年頒獎禮以「繁星閃耀」為主題，畀青年展現活力同才華，展示佢哋努力嘅成果 ！
精彩活動亮點包括：
大灣區交流團＋企業參觀分享
同學上台分享所見所聞，從創新科技到企業文化，啟發大家擴闊視野、思考未來方向 。
才藝表演舞台
Band Show、 動人歌聲、 配合LED舞衣嘅K-Pop表演、 震撼全場嘅武術演出，葵青區學生大展才藝，睇到觀眾嘩嘩聲！
巨型活動回顧展示板＋霓虹光打卡牆
回顧過去一屆委員會青年活動嘅精彩時刻，見證青年成長同奮鬥嘅足跡 ！
攝影比賽作品展覽
展出比賽得獎佳作 ，欣賞青年眼中不一樣嘅葵青 ！
誰都可發光 只要找對地方
今次頒獎禮，感受到青年嘅青春活力同無限潛能 。希望每位青年都可以搵到屬於自己嘅舞台，勇敢追夢，發出獨一無二嘅光芒。葵青民政專員鄧顯權喺致辭中勉勵同學，要成為愛國愛港、具國際視野、有抱負、充滿正能量嘅新一代，積極裝備自己，迎接未來挑戰。佢指出，喺葵青區青年發展及公民教育委員會主席陳藹怡帶領下，委員會過去兩年精心策劃並推動多項富有突破性同意義深遠嘅青年活動，涵蓋學術、文化、創科等領域。展望未來，葵青民政處將繼續聯同委員會，籌劃更多緊貼國家發展脈搏嘅青年活動，為青年打造一個交流、共融、發揮所長嘅平台，助青年為未來發展打好堅實基礎。
