@ 
離島民政處5月15日聯同多個政府部門同地區機構，喺大澳舉行年度嚴重水浸模擬救援演練 ，模擬大澳低窪地區因為受颱風吹襲同天文大潮影響而水浸，設於大澳鄉事會嘅聯合指揮中心不斷接到求助個案 ，需即時制訂救援策略，迅速派員前往救援。
演練貼近真實情況，並加插唔少突發元素 ，參與部門事先並不知情，需要迅速應變同解決唔同嘅困難個案，當中包括大樹 被強風吹塌而擊中途人；陸路 因山泥傾瀉而封閉，需改用安排大型消防船隻經水路將傷者送往醫院 ；協助養寵 家庭尋求臨時庇護；協助有特殊需要嘅居民(例如行動不便者 )前往庇護中心等，有效測試前線人員對緊急狀況 嘅應變能力。
離島民政專員楊蕙心喺演練後，隨即同各參與部門及機構進行檢討會議。同日下晝，民政處亦舉辦水浸應變講座 ，邀請咗喺大澳服務嘅地區機構，向大澳居民講解水浸成因、風前預備及撤離貼士 等。
經過尋日嘅演練同講座，相信各相關單位同居民應變嚴重水浸嘅能力都得以提升，有助保障居民生命同財產 。
