@ 
防治鼠患 ，你我有責 。沙田民政處通過地區主導行動計劃，聯同食環署同房屋署喺利安邨、美林邨及乙明邨推展「小區滅鼠行動 」，希望透過政府部門力量，帶動公共屋邨裡面嘅各個持分者妥善地進行滅鼠同環境潔淨工作 。
「小區滅鼠行動 」由唔同嘅部分組成，包括持分者會議、宣傳活動、實地視察 同埋清潔 。過程中，政府部門會同持分者一齊進行實地視察，提醒持分者要修補牆罅、鼠洞，以及於渠口加裝鼠網等。食環署亦會分享滅鼠措施嘅技巧，提升防鼠工作嘅效能 。今年繼續得到沙田區關愛隊嘅協助，幫手招募義工為居民進行清潔 ！一眾義工都十分用心 為居民清潔大廈公眾地方，保持每個角落嘅整潔，亦得到居民嘅讚賞 。
活動期間，民政處都準備咗「小區滅鼠行動 」餐具套裝 以及環保袋送畀街坊，提高大家對防治鼠患嘅關注 ！
特別鳴謝沙田區議會食物環境衞生委員會主席林港坤博士、副主席鄧開荣，以及議員董健莉、羅棣萱、區子安、大圍關愛隊隊長黃志強、利安關愛隊隊長江偉鵬同乙泉關愛隊隊長梁昊佳嘅鼎力支持 ！
沙田民政處會繼續致力推展「小區滅鼠行動 」，務求令沙田區居民有一個更舒適嘅居住環境 。
@