@ 
急鼓繁鉦動地呼 ，碧琉璃上兩龍趨 。龍舟鼓聲再次響徹葵青區！「葵青區龍舟競渡2025暨《香港國安法》公布實施5周年盃」 活動日前（18/5）於青衣東北公園海濱圓滿舉辦 。活動由青衣鄉事委員會主辦，葵青民政處、青衣體育會及青衣合眾堂龍舟會協辦，民政事務總署社區參與計劃資助。
當日賽程十分刺激緊湊，來自全港各「灣頭」嘅龍舟健兒於各場賽事奮勇直前 ，百槳齊發 ，力爭上游向終點邁進 。岸上市民、葵青區議員、「三會」委員齊齊為健兒歡呼喝采 ，充分體現出葵青區「齊心就事成」嘅團結精神 ！民政及青年事務局局長麥美娟、葵青民政專員鄧顯權、中聯辦新界工作部副處長吳家浩亦蒞臨主禮，為健兒們打氣 。適逢今年係《香港國安法》公布實施5周年 ，大會更特別增設以此命名嘅賽事 ，由Alice局長親自頒發奬盃予各優勝隊伍 。大會更製作咗介紹《香港國安法》嘅展板，向市民解釋香港國安法嘅重要性、認識總體國家安全觀，進一步提高大眾對維護國家安全嘅意識 。
龍舟亦係今年11月舉辦嘅第十五屆全國運動會（十五運會）其中一項群眾賽事活動。為迎接全運會，大會特意喺會場設置咗原創3D立體畫 畀市民打卡。市民只要企喺畫前，就好似置身於龍舟上，瞬間化身成龍舟健兒代表葵青區「出賽」爭光 ！畫中仲可以見到包括 青馬大橋、 葵芳鐘樓、 葵青戲棚等葵青區地標。市民都好踴躍打卡 ，換取限量「熊貓 x葵青地標」精美紀念品 。現場更設置展板介紹葵青龍舟競渡嘅歷史同十五運會資訊。今次活動有效宣揚《香港國安法》公布實施5周年，更能推廣 十五運會同「 香港無處不旅遊」理念，一舉三得 ，別具意義 ！
葵青區龍舟競渡有着深厚歷史文化底蘊，充滿獨特地區特色。 葵青民政處特別感謝青衣鄉事委員會第11年統籌龍舟競渡活動 。葵青民政處會繼續將節日盛事與傳統文化有機結合，以不同方式與地區團體合作，於地區舉辦更多具吸引力 、凝聚力 嘅慶祝活動，呈現出葵青區和諧共融 、活力非凡 、創意無限 嘅獨有魅力！
