@ 
中西區發展歷史悠久，文化底藴深厚。日前，中西區民政專員去到魯班先師廟慶賀魯班先師寶誕 ，更帶領一眾區議員參觀南丫發電廠，全面了解發電工作 ，為日後促進區內發展鋪路。
慶賀魯班先師寶誕暨2024青年魯班選舉頒獎典禮
後世尊稱魯班為「百匠之師」。香港魯班廣悅堂1884年喺西環青蓮台興建魯班先師廟，古物諮詢委員會喺今年7/3更將魯班先師廟列為法定古蹟 。今年適逢魯班先師廟建基140周年，魯班廣悅堂就舉行咗一系列嘅慶祝活動 。
7月18日(農曆六月十三)係魯班先師寶誕 ，魯班廣悅堂就舉行咗「青年魯班選舉」頒獎典禮 。
發展局 Development Bureau副局長林智文、屋宇署署長余寶美、中西區民政專員梁子琪、魯班廣悦堂主席鄧智宏及一眾建造業界翹楚等一齊頒發獎項，表揚得獎者對業界嘅貢獻 。而「優秀青年魯班大獎」得獎者曾珮瑜更向大家分享獲獎感受 ，現場氣氛熱烈激奮 。
中西區區議員參觀港燈南丫發電廠
梁專員亦喺7月19日帶領一眾中西區區議員參觀香港電燈喺南丫島嘅發電廠。南丫發電廠自1982年開始投入服務，為居民、商戶提供源源不絕嘅電力。
喺港燈行政總裁嘅講解下，議員了解更多港燈致力為香港島及南丫島提供穩定可靠嘅電力供應途徑，包括擴建南丫發電廠、鋪設及翻新地下電纜、興建新嘅變電站等，以及港燈實現「由煤轉氣」嘅燃料轉型，以減低發電對環境嘅影響 。
另外，議員亦參觀咗港燈嘅太陽能發電系統 ，港燈一直配合香港嘅減排目標，努力喺2035年前將碳排放量減半 。
