@ 
民政及青年事務局 Home and Youth Affairs Bureau推出嘅「關愛隊嘉許計劃」第一站率先嚟到油尖旺舉辦頒贈嘉許狀儀式。接住落嚟，亦會去到全港18區，多謝一眾默默耕耘付出嘅關愛隊隊員、義工，以及夥伴團體。
民青局局長麥美娟多謝油尖旺區20隊關愛隊過去一年多為社區做實事，截至今年3月底，油尖旺區關愛隊已經進行近18000次家訪，提供超過2000次家居及其他支援服務，以及舉辦了超過2000次地區活動。成績有目共睹。
民青局常任秘書長林雪麗、民政總署署長杜潔麗及副署長易志宏都一齊去現場多謝關愛隊。
油尖旺區關愛隊亦同大家分享工作經驗及感受：
1.油麻地南關愛隊隊長張漪薇帶領隊員，分享舊年12月協助佐敦道車禍個案。
關愛隊多次陪遺孀到殮房處理手續，辦好死者身後事，又持續關懷獨居遺孀，希望她能一步步走出陰霾建立正面新生活。
2.大南關愛隊隊長鄧佑財就帶領隊員分享一宗「垃圾屋」個案。
「垃圾屋」衛生惡劣，有曱甴老鼠爬出，關愛隊幫獨居戶主先將雜物逐一分類，然後搬運大量垃圾，用咗足足兩日耐心清理。
3.鍾澤暉就代表櫻桃關愛隊，同另一義工分享一個一家四口智障家庭。
關愛隊一知道呢個隱蔽家庭唔識出街買嘢食，就經常帶食物以至家具探訪佢哋，直至全家獲安排入住院舍。經過20多個星期嘅相處，受助人亦同關愛隊建立咗友情。
@