@ 
元朗區39隊關愛隊22/5再次齊集朗屏社區會堂，召開第九次工作會議。會議中除咗討論關愛隊嘅工作外，更重要嘅係同關愛隊重溫突發事故 同埋惡劣天氣 嘅應變安排，為嚟緊嘅風季做好準備！
元朗民政專員胡天祐同埋佢嘅團隊向關愛隊講解於突發事故 時關愛隊嘅支援工作 及開設臨時庇護中心 及跨部門援助站嘅運作安排 ，並特別強調喺惡劣天氣期間所採取嘅預防措施 。專員亦提醒關愛隊應時刻留意 區內最新嘅情況，與政府部門緊密合作 ，務求將惡劣天氣為居民帶嚟嘅影響減到最低 ！關愛隊喺演練期間都好留心同認真參與 ！相信日後應對緊急事故時，關愛隊一定能夠得心應手 。
古語有云 「牙痛 慘過大病」，保護牙齒健康都非常重要！為咗幫助有經濟困難 同特殊需要 嘅弱勢社群得到適切嘅口腔健康 及牙科護理服務，衞生署推出「社區牙科支援計劃」 ， 並派員落區向關愛隊 講解有關計劃嘅詳情，相信關愛隊能透過日常嘅地區工作 ，將牙科保健嘅最新資訊傳遞畀有需要嘅居民 。
元朗區關愛隊將繼續秉承「 關愛同行、以民為本」嘅精神 ，致力為元朗區嘅居民提供優質嘅服務 ，共建理想嘅家園。
