元朗警區 · 全「元」防騙 x「帝聯行動」@錦田高埔村、錦田爾巒

7月20日嘅「帝聯行動」，元朗區警民關係組聯同新界北總區防止罪案辦公室人員、八鄉分區軍裝人員以及元朗區撲滅罪行委員會莊健成，去到錦田高埔村、錦田爾巒進行防爆竊、防騙宣傳。

除咗向村民派發單張、將防爆竊及防騙單張放入村民嘅信箱內，現場仲擺放咗搶眼嘅快閃防騙攤位同提子，成功吸引咗唔少人嚟打卡影相。警方順便將最新防爆竊、防騙資訊話俾佢地知，等佢地返到去分享俾身邊嘅親戚朋友知，咁就可以有效預防相關罪案啦！

BP 大平台