@ 
屯門區年度青年盛事 — 「成功有約」屯門區青年自我挑戰及獎勵計劃，眨下眼就嚟到第14屆喇！7月20日舉行咗開幕禮，上百位學員喺屯門民政專員關可臨監誓下，由屯門區青年發展及公民教育委員會主席葉俊遠帶領，宣誓立志努力達成自己所訂目標，致力完成各項挑戰！
大會仲邀請到中電控股有限公司企業發展總裁莊偉茵、機場管理局商務執行總監陳正思及前香港奧運及亞運游泳代表隊成員、現為香港心聆董事會成員及美國麻省理工學院講師嘅江忞懿，三位成就卓越嘅現代女性擔任嘉賓講者，同在場學員分享佢哋面對逆境、克服困難、達成目標嘅經驗，啟發學員建立正向價值觀，勇往直前搵到方向，努力踏上成功嘅人生路。
民政及青年事務局青年專員陳瑞緯、青年發展委員會委員陳穎文、甄韋喬及利哲宏都有出席參與，一齊同學員互動交流，喺出席分組會面期間，學員都積極發言，爭取向佢哋學習嘅機會。
@ 