@ 
由西貢街坊會主辦，西貢民政處、西貢區議會提振地區經濟專責工作小組協辦，民政總署贊助嘅「18區日夜都繽紛@西貢天后寶誕廟會」今晚(25/5)喺西貢天后廟前大戲棚內隆重舉行典禮儀式，與一眾市民及遊客熱烈慶祝天后寶誕 。
每年農曆4月，西貢鄉民都會為西貢天后寶誕廟會搭建大戲棚，並上演神功戲以酬謝️天后娘娘嘅神恩 。今年，日興粵劇團上演一連5日(22-26/5)嘅粵劇神功戲，祈求祖國國泰民安、西貢風調雨順 。多位粵劇名伶精湛地演出多齣經典劇目《七彩六國大封相》、《鳳閣恩仇未了情》等，讓居民及遊客都睇到樂而忘返 。
傍晚壓軸嘅典禮由民政總署署長杜潔麗、中聯辦新界工作部副部長朱宜華、西貢民政專員兼西貢區議會主席馬瓊芬、立法會議員李世榮、林素蔚、西貢區撲滅罪行委員會主席吳仕福、西貢街坊會總理李福康等主禮 。杜署長感謝西貢街坊會一直支持政府嘅地區工作 ，同西貢民政處、區議會一齊為提振區內經濟盡心盡力 ，以及為廟會注入新元素 ，讓居民及遊客欣賞神功戲之餘，亦可享受美食及購物等樂趣，希望各界繼續支持此盛事，一同傳承天后寶誕文化 。
聽日(26/5)，就係西貢天后寶誕廟會嘅最後1日喇！千祈唔好錯過呢個西貢區最盛大嘅天后寶誕廟會，全場有近70個美食、乾貨、文青、手工藝、咖啡產品及生活雜貨攤檔 等緊你！
@ 
@