@ 
「關愛隊嘉許計劃」嚟到沙田啦！
喺頒贈嘉許狀儀式上，民青局局長麥美娟感謝沙田區41隊關愛隊隊員、義工及夥伴團體嘅付出，暖心守護社區！ 局長讚賞沙田區關愛隊過去一年為社區做實事，提供多元嘅服務，包括探訪 、健康講座、家居維修 、長者義剪服務、節日活動等，貼心服務沙田社區。民政總署署長杜潔麗、副署長易志宏同埋沙田民政專員余懷誠齊齊出席支持 ！
多位關愛隊代表一同分享服務經驗及感受：
廣源關愛隊隊長陳敏娟分享去年2月一名獨居長者住所發生火災，關愛隊迅速上門慰問及協助清理現場，並持續跟進長者嘅狀況。
水泉澳關愛隊隊長古偉冰就分享一宗「助邨民走出低谷」嘅個案。
一名男居民因失去親友同失業等原因出現情緒問題 ，關愛隊喺上門探訪時接觸到該名男居民，並喺佢同意下立即聯絡社署主動為佢提供支援輔導，令佢情緒及生活均大大改善。
耀安關愛隊隊長吳超洪分享去年6月區內發生塌樹意外，導致一名途人受傷送院。關愛隊即時探訪傷者，支援傷者及其家人。
駿馬關愛隊隊長梁振邦同義工吳明吉分享「走進社區 」嘅經驗。
關愛隊透過半年內持續於小區嘅私人屋苑登門探訪，接觸居民，成功建立咗互信網絡，推動包括更換燈泡、簡單維修及與長者溝通等關愛工作，提升社區嘅凝聚力。
只要社區有需要，關愛隊就到位！沙田區關愛隊將繼續同沙田民政處攜手努力 ，為居民帶嚟更多關愛！
