新一屆大埔區青年發展及公民教育委員會同大埔區青年社區建設委員會任期已經喺4月1日正式展開,並分別喺20/5同26/5舉行首次會議 !

1. 大埔區青年發展及公民教育委員會

委員會喺20/5召開第1次會議,介紹本年度活動計劃,並選出4個工作小組召集人,以便喺區內培養青年積極正向思維,攜手加強青年及區內居民嘅國民同公民意識 。

2. 大埔區青年社區建設委員會

第一次會議嘅討論議程已經非常豐富,委員分別就美化行人隧道、翻新大明里廣場 及優化大埔墟港鐵站附近嘅旅遊資訊牌 作積極討論。大家以優化大埔區建設同環境為目標 ,希望便利市民嘅日常生活之餘,又美化到公共設施 。

委員對青年發展工作同地區事務充滿熱誠 ,期待佢地喺新一屆任期內為大埔區嘅未來貢獻力量 !

發佈留言

您無須註冊,只需要提供電郵地址即可發表留言,您提供的電郵地址不會公開。 必填欄位標示為 *