九龍城區少年警訊 「端午節手工編織龍舟」工作坊

端午節將至，九龍城區少訊5月25日就舉辦編織龍舟手工班，教會員們以竹為材料制作呢款獨特嘅「小手作」。

導師先講解端午節嘅起源故事，以問答形式令會員了解端午節歷史俾大家知道原來古人賽龍舟除咗紀念 屈原，仲會喺龍舟掛上艾草同鈴鐺 寓意嚇走「五毒」保平安。之後會員們就齊齊開工整龍舟啦。

經過導師嘅悉心教導，大家嘅龍舟都整得好有心機，好精緻啊龍舟內嘅艾草包仲散發一股清香嘅艾草味大家都好開心，可以一齊將小知識同咁靚嘅手工藝品帶返屋企，同家人共渡端午佳節！