@ 
27/5係農曆五月初一，大埔區龍舟競賽委員會按傳統喺大王爺廟進行龍舟點睛禮 ，為星期六(31/5) 「迎全運・2025大埔龍舟競賽暨龍舟嘉年華及《香港國安法》公布實施5周年展覽」作好準備！大埔青年網絡龍舟隊亦以破紀錄隊員人數，連續第3年出戰大埔龍舟競渡！
點睛禮按傳統以客家話宣讀祝章揭開序幕，大埔民政專員陳巧敏同一眾龍舟贊助團體及嘉賓隨即進行龍舟點睛下水 儀式，8隻新龍舟一齊出發往海上採青，祈求風調雨順 、國泰民安、平安吉祥！
大埔青網龍舟健兒今年首次派員參與點睛禮 同海上採青 儀式。今年大埔青網龍舟隊隊員人數創新高 ，佢哋由3月開始就密密操練 積極備戰，全隊士氣高昂 ！ Eunice專員將率領大青龍舟隊 以最強陣容出戰兩項公開組及混合組盃賽 四場賽事 ，一齊說好中華文化故事、發揮龍舟運動團結一致、同舟同心 嘅團隊精神 !
「迎全運・2025大埔龍舟競賽暨龍舟嘉年華及《香港國安法》公布實施5周年展覽」將於端午節(31/5)上午8點半至下午4點喺大埔海濱公園舉行。今年新增300米賽事，肯定更加熱鬧 ！
而由上午9點至下午4點喺方正花園舉行嘅龍舟繽FUN嘉年華，除咗有美食街同大量遊戲攤位外，亦有樂高 認真玩 親子工作坊，歡迎各位即場參加 。約定你哋 ！
