@ 
國家安全同大家息息相關 ，咁重要嘅事情唔止講3次，而係要講好多好多次 ！今年適逢係第10個全民國家安全教育日，又係《香港國安法》公布實施5周年，所以由3月到而家，北區嘅國家安全教育地區導師 就馬不停蹄咁 喺社區廣傳國安信息 。
北區嘅地區導師，唔經唔覺已經舉辦咗超過50場，包括嘉年華 、分享會 同參觀等 推廣國安信息嘅活動。除此之外，導師仲善用各自唔同身分 ，喺自己嘅領域上推廣維護國安嘅重要性，好似任職教育界嘅導師 ，就透過組織唔同類型嘅國安活動，喺同學 社群度傳播國安信息喇。而啱啱喺今個月中舉行嘅「《香港國安法》公布實施5周年國家安全教育地區導師座談會」上面，北區導師朱偉林校長更加喺台上分享佢履行地區導師責任嘅經驗同心得添 ！
北區嘅地區導師會繼續用唔同嘅方式，無間斷 向社區傳播維護國安嘅信息 ，等男女老少都深明「維護國家安全人人有責、人人盡責」嘅道理 ！
@