@ 
當有重大事故發生，元朗民政處會視乎需要聯同醫管局同其他部門，喺現場或醫院設立跨部門援助站，第一時間為大家統籌緊急援助服務。 喺10/4同28/5，民政處分別喺博愛醫院同天水圍醫院順利完成咗跨部門演習！
兩場演習分別有博愛醫院、天水圍醫院同元朗民政事務處嘅同事一齊參與，大家團結一心，齊齊合作，模擬咗緊急情況下嘅每一個步驟——由器材設置、物資安排到協調支援服務，全部都做得一絲不苟！
民政處嘅目標好簡單——就係要確保萬一有突發情況發生時，可以即時、有效咁幫到市民，守護大家嘅安全同福祉！
最後，多謝每一位參與演習嘅同事，同埋其他為緊急支援工作付出嘅部門。 大家繼續加油，一齊守護元朗，為市民安全出一分力！
@ 