@ 
參觀O•PARK1
荃灣區議會食物環境衞生委員會早前（9/7）到訪位於小蠔灣嘅O•PARK1（有機資源回收中心第一期），認識O•PARK1如何採用厭氧分解技術，將廚餘轉化為電能。委員亦親身採摘由O•PARK1自家堆肥所種植嘅農作物 ，有助日後將減廢同處理廚餘嘅相關資訊帶入社區。
參觀廉政公署總部
荃灣民政專員兼區議會主席區家盛同荃灣區議員早前（11/7）參觀廉署總部，親身了解廉署肅貪倡廉工作同埋反貪策略，並喺當日參觀咗多項設施，包括錄影會面室 、扣留中心、列隊認人室 、槍械設備同教育宣傳設施等。
出席香港肝壽基金免費乙型肝炎快速檢測服務簡介會
區家盛亦同荃灣區議員及荃灣區關愛隊代表喺日前（18/7）出席簡介會，聽取香港肝壽基金喺區內提供免費乙型肝炎快速檢測嘅計劃詳情 。
香港肝壽基金將率先喺荃灣使用一輛乙型肝炎流動快速檢測車 提供服務，希望透過區議員及關愛隊嘅地區網絡，推廣免費乙型肝炎快測服務 。會上議員就如何提高市民對肝臟健康嘅意識提出不少有建設性嘅意見 。
