@ 
深水埗民政處過去一星期聯同各地區組織舉辦唔同項目。無論你鍾情於閱讀兼有啲宅 ，定係運動愛好者 ，總有一款啱你參與 。
1. 全城投入 支持港隊
2024年巴黎奧運即將喺26/7開幕啦！
為迎接四年一度嘅體壇盛事 ，青途發展社區發展協會尋日 (20/7) 舉辦咗「凝聚社區·青途齊撐港隊」活動，聯同深水埗民政專員黃昕然向市民派發港隊賽程表同小紀念品 ，呼籲大家支持征戰奧運嘅國家隊同港隊運動員 。
其中一位出戰跆拳道項目嘅運動員盧蔚豐 ，更係深水埗區惠僑英文中學嘅校友嚟架 ！
如果你都想喺奧運期間為運動員打氣 ，不妨去北河街體育館 ，或者康文署全港十八區指定體育館設立嘅「奧運直播區」 ，追蹤港隊賽事，融入奧運氣氛，一齊見證國家隊同港隊運動員勇奪佳績 。
青途執委會主席鄭泳舜議員同一眾區議員包括：陳偉明、黃俊雄、劉佩玉、郭彥麗、林偉文、鍾婧微、陳麗紅、覃碧華、何坤洲、吳婉秋、張德偉、陳龍傑及深水埗體育會主席梁鉅海、美青體育康樂聯會會長楊廣成、石硤尾街坊會主席溫國雄、地區三會成員等亦有到場支持。
2. 2024香港書展「城創系列」新書發佈會暨講座
近年越嚟越多年青人發展初創企業 ，日前(18/7) 香港城市大學出版社以「創業是『敢』的！」為題舉辦《城創系列》新書發佈會暨講座 ，向大眾分享成功嘅初創故事，啟發更多年輕人踏出第一步 ，實踐創業夢 。
深水埗民政處亦有支持，仲邀請咗區內中學生，包括共創明TEEN學員參加 。深水埗民政專員黃昕然同在場超過100位中學生分享民政處同香港城市大學i2Cool科研初創團隊合作嘅經驗 ，說明政府同初創企業合作，能夠更有效運用社會資源 ，以創新思維治理社區痛點 。
初創背後代表住追夢嘅勇氣 ，亦蘊含住企業家對社會嘅關懷 ，如果年青人都有「希望世界從此不一樣」嘅決心，希望你可以繼續保持對世界嘅好奇心 ，敢於追夢 。
活動亦邀請到香港城市大學高級副校長（創新及企業）楊夢甦教授、香港科學園公司行政總裁黃克強、香港城市大學顧問委員會余皓媛主禮同分享。
#深水埗民政處 #青途發展社區發展協會 #凝聚社區青途齊撐港隊 #巴黎奧運 #奧運直播區 #北河街體育館 #2024香港書展 #香港城市大學出版社 #城創系列 #新書發佈會 #初創
