@ 
端午節係非遺項目，龍舟 亦係全運會群眾賽事活動；大埔係全港其中一個最早舉辦端午龍舟競渡嘅地區，今年更有破紀錄50,000人次 到場。大埔區西貢北塔門亦按傳統喺島上舉行龍舟競渡，觀眾喺艇上為龍舟打氣、選手以小艇作休息室，極具小島風情！
一連串嘅活動同頒獎典禮得到民政及青年事務局 Home and Youth Affairs Bureau副局長梁宏正、政制及內地事務局副局長胡建民、消防處處長楊恩健及大埔民政專員陳巧敏到場接力主禮，現場氣氛澎湃高漲 ！
有超過80年歷史嘅大埔龍舟競渡，今年以「迎全運・2025大埔龍舟競賽暨龍舟嘉年華及《香港國安法》公布實施5周年展覽」為主題。今年新增300米賽事，吸引多達105隊龍舟隊伍參賽，較去年激增6成 ！以端午爲主題嘅樂高 認真玩 親子工作坊 及由關愛隊主理嘅端午嘉年華攤位 ，由去年11個增至今年19個，數目大增7成 ！難怪吸引超過50,000人次，一家大細藉此更了解中國端午習俗，玩遊戲攞禮物，滿載而歸！
活動美食街 十幾個攤檔賣嘅美食種類繁多，更首次有啤酒售賣。唔止嘉賓大讚現場氣氛好，美食街檔主都話人流暢旺，要提早補貨，生意比預期更理想，營業額相當可觀 ！
為慶祝香港國安法公布實施5周年，大埔龍舟競渡特設「香港國安法公布實施5周年紀念盃 」龍舟比賽 ，亦於龍舟嘉年華設展覽及有獎問答遊戲 ，畀市民透過展覽介紹 ，對國安法有更多認識，親身感受到社會安定繁榮，國泰民安。
現場當然唔少得推廣民青局Youth+ app 嘅攤位，Clarence副局亦親臨攤位向年青人推廣 !
至於由塔門青年會主辦嘅塔門龍舟邀請賽一樣精彩 ！今年賽事緊湊 ，合共有24隊參與340米金、銀盃賽事 ，吸引大批市民前往塔門觀賞 。專員亦喺下午出席，擔任主禮嘉賓。
唔好睇塔門地方細小，當地居民每年其實都非常重視端午節 及龍舟賽事 ，好多市民都特意前一晚入塔門欣賞傳統夜龍拜神儀式 ，為翌日賽事做足準備。專員更即興代表塔門青年會 親身參與壓軸而且最受歡迎嘅塔門鄉公所盃賽事 ，獲得全場觀眾熱烈支持及掌聲 。
