@ 
一年一度由香港大澳傳統龍舟協會主辦嘅龍舟遊涌活動，31/5端午節喺大澳舉行 。發展局常任秘書長何珮玲、離島民政助理專員莫望塵、香港賽馬會慈善事務副總經理劉可儀等嘉賓為遊涌活動主禮，支持呢個特色節慶，氣氛熱鬧 。離島民政處亦全程協助主辦單位，安排開合大涌橋，讓載神龍舟可以喺河涌通行無阻，確保遊涌活動順利進行。
除咗龍舟遊涌，端午正日喺大澳海面仲有由大澳鄉事委員會主辦嘅大澳龍舟競渡 。中聯辦新界工作部副部長李功勛、離島民政專員楊蕙心、立法會議員郭偉强、陳學鋒等擔任主禮嘉賓，並頒發獎項畀龍舟隊伍 。大澳居民同遊客 喺一片鑼鼓聲同打氣聲中，歡度咗一個熱鬧嘅端午節 。
