@ 
電訊詐騙手法層出不窮，令人防不勝防，騙徒會把握着人性的不同心態向受害人埋手。今日（2/6）九龍城區警民關係組人員嚟到欣榮花園商場和九龍城街市向街坊派發防騙宣傳單張，同時分享最新嘅騙案資訊，幫助大家提高警覺，保護自身財產及私隱嘅安全，尤其是近來有騙徒在Whatsapp建立群組並將大量用戶加入，之後騙徒會偽裝成各種專家，在群組內分享所謂「內幕消息」、「必賺策略」和「搵外快賺錢」等等，鼓勵受害人投入資金，最後捲款潛逃。
《邊有咁著數，勿信假群組》
除咗提醒街坊對騙案要保持警覺，時刻對層出不窮的騙徒手法保持警惕，人員更即場協助市民下載 「防騙視伏APP」。
防騙小錦囊
不要加入任何主動邀請加入的whatsapp群組
不要相信群組中所謂的專家和成功個案
切勿向陌生人透露個人資料
防騙提醒：如有任何懷疑，記得打防騙易熱線18222及用「防騙視伏器」 查詢。
另外提子5歲生日喇你玩咗「防騙急口令Challenge」未呀？
全城防騙你至叻
識搵提子做老Best
用埋防騙視伏App
趕絕騙案Go Ahead
@ 
@