@ 
近日，元朗民政處聯同元朗屋苑業主協會、新社聯元朗地區委員會及元朗區關注大廈管理協會，攜手合辦「慶回歸元朗大廈業主組織交流晚會」。除咗有元朗民政專員胡天祐到場支持活動，亦邀請到中聯辦新界工作部副處長龐杰釗蒞臨主禮 ，同時由主辦單位代表新社聯元朗地區委員會主席呂堅、元朗屋苑業主協會首席會長李月民、主席譚秉智及元朗區關注大廈管理協會主席蕭浪鳴 一同主禮，為晚會增添光彩！
活動反應熱烈，吸引500多人參與 ，當中包括近30位元朗區議員、元朗區內多個業主法團及業委會代表、物業管理公司代表同熱心業主，共同見證呢場盛會。
交流晚會內容豐富 ，打頭陣有元朗民政處代表介紹 即將喺7月13日生效嘅《建築物管理（修訂）條例》 ，幫助參加者掌握 修訂條例內容，管理大廈時就更得心應手 。廉政公署亦帶來實用嘅「大廈管理防貪錦囊」 ，提醒大家喺日常管理中如何防範貪污風險 ，共建廉潔社區。此外，博愛醫院轄下嘅元朗地區康健中心同社區藥房代表亦向參加者詳細講解各項康健服務 及支援資源，鼓勵大家關注身心健康 ，同時利用佢哋嘅外展服務，讓居民受惠。大家互相交流，氣氛熱烈融洽 ！
今次活動唔止共同分享慶祝回歸喜悅 ，更為元朗區業主組織 、管理公司 同政府部門 提供咗寶貴嘅交流平台。透過分享經驗同推動合作 ，我哋期望能進一步提升 大廈管理水平，為居民締造更安全 、舒適 嘅居住環境，讓元朗成為更美好嘅社區，齊心共建美好家園 ！
感謝 所有嘉賓、街坊同合辦機構嘅熱情參與 ！元朗民政處會繼續同大家攜手同行 ，一齊建設更美好嘅元朗 ！
