@ 
引領新思維，讓每位腦退化症患者都可以活得自主、好好地老 ！ 上星期五（30/5），由賽馬會耆智園總經理何貴英同院長崔志文博士親自講解下，沙田民政專員余懷誠及一眾沙田民政處同事參觀耆智園 ，深入了解園方背景、理念及設施。
大家參觀咗園內各種設施，如耆翠園花園 、物理治療室 、活動室 、多用途特別室 同休息室 等後，都認識到院舍唔少設計都秉持以人為本嘅理念 ，並參考國際腦退化症協會嘅建議模式，為園友締造安全舒適、「家」的感覺 ，幫助園友融入園內嘅社交生活，亦維持對外界嘅聯繫，以至改善行為及情緒狀況 。
今次參觀大家都深刻體會到耆智園對長者嘅專業關懷 ！展望未來，沙田民政處及沙田區各關愛隊都希望與園方有更多合作機會 ，攜手推廣及早識別 及早治療 腦退化症嘅信息，並建立一個包容腦退化症嘅社區 。
@