@ 
今日(3/6），環境保護署署長徐浩光博士嚟咗觀塘，同觀塘民政專員兼區議會主席何立基及多位觀塘區議員，一齊實地視察 觀塘海濱 ，並深入了解環保署嘅智慧創新科技應用同環境監察工作 。
署長同一眾觀塘區議員坐低交流 ，就環保議題暢所欲言，討論氣氛熱烈 。之後，環保署介紹多項智慧創新科技，包括「人工智慧環境空氣滋擾偵查機械狗（AI Dog)」 、「網狀網絡採樣機械人隊」 同「探地雷達」 。AI Dog結合人工智能，精準識別空氣污染物源頭 ；而探地雷達同網狀網絡採樣機械人隊無需開挖路面 ，就能夠追蹤地下污水渠道嘅路線同滲漏情況，真係環保又智能 ！
一眾區議員亦見識到「無人採樣潛水艇」 同「5G無人採樣船」 嘅運作。無人採樣潛水艇可以代替潛水員，以遙距操控結合實時影像進行水質監察；而5G無人採樣船則利用5G網絡實現自動導航 ，即時分析水質數據 ，喺特殊區域特別實用 ！環保署仲現場展示由潛水艇實時拍攝到嘅觀塘海濱水底動態影像，區議員都樂於見到部門努力改善水質嘅成果，觀塘海濱仲已成為多種海洋生物嘅棲息處 。
今次活動 唔單止令一眾區議員深入了解環保署嘅工作 ，更展示咗智慧創新科技點樣為環保帶嚟新突破 ！觀塘區議會表示會繼續同環保署緊密合作 ，攜手推動環保工作 ，為觀塘居民打造更美好嘅生活環境 。期待未來更多智慧創新科技嘅應用，為環境保護帶嚟更大貢獻
@