@ 
日前(3/6) ，中聯辦九龍工作部處長劉湛雄、黃大仙民政專員Thomas、九龍東區各界聯會會長李誌峰、黃大仙區議員及活動總策劃李鎧麟、蘇黎世（香港）行政總裁許金桂、中信建投國際副行政總裁李昕維、德勤中國戰略、風險及企業交易全國主管合夥人唐蔭光以及一眾嘉賓、校長及同學出席「職場超新星：金融及專業服務實戰篇」啟動禮 ！
計劃為期1年 ，參與嘅機構包括蘇黎世（香港）、中信建投國際以及德勤 ，旨在為有志投身金融及專業服務嘅同學仔提供學習機會 。參與嘅金融機構亦特別安排具豐富經驗嘅現職前輩作為導師 ，帶領同學仔認識金融行業，親身體驗職場環境 ，為未來做好準備 。計劃吸引咗多間區內中學嘅同學仔報名 ，反應熱烈 ！
黃大仙民政處會繼續同區內學校、地區組織以及國際團體攜手合作 ，為社會培育人才，並鼓勵青年探索各行各業，做好生涯規劃 ，積極裝備自己 ，成為亮眼嘅「職場超新星」
@