@ 
6月8日，沙田民政專員余懷誠出席由順聯控股、路德會社會服務處合辦嘅「順聯香港沙田區小學校際超級盃總決賽及頒獎典禮暨老幼共融健康同樂日」，並頒發全場MVP球員，與一眾嘉賓、家長、同學及街坊度過咗一個充滿活力嘅早上！
今年賽事匯聚咗沙田12間小學、超過180位年青球員，經過三十多場激烈比賽，終於嚟到今日角逐冠軍殊榮嘅總決賽！每位球員喺球場上揮汗如雨全力以赴，展現出團隊合作精神、堅毅鬥志。今次活動藉着體育運動，培養同學嘅紀律觀念、抗壓能力與領導才能。
除咗觀看總決賽之外，一眾嘉賓亦參觀咗場內老幼共融健康同樂嘅攤位，當中有科技體驗、健康檢查同新興運動，目標係促進跨代交流，體現出沙田區「健康活力、關愛共融」嘅精神！
沙田民政處衷心感謝合辦機構籌辦是次活動，讓更多同學有機會喺運動賽場上勇敢追夢，期待未來有更多企業、社服單位繼續為本區舉辦更多精彩活動，攜手建設更美好嘅沙田！