@ 
「關愛隊嘉許計劃」嚟到離島區！
民政及青年事務局 局長麥美娟向表現卓越嘅關愛隊隊伍、成員、義工同夥伴團體頒贈嘉許狀 之餘，亦都感謝及讚賞離島區10隊關愛隊嘅全體成員、義工及夥伴團體喺過去一年多秉持「民生無小事」嘅精神，喺日常推展服務時處處體現高度嘅責任感和同理心，為提高市民嘅幸福感同獲得感而努力。截至今年3月底，離島區關愛隊共探訪超過9 000個長者戶及7 800個有需要住戶、進行約1 200次簡單家居支援服務，以及舉辦超過400次地區活動，更多次出動協助政府處理突發同緊急事故。民青局副局長梁宏正同埋離島民政專員楊蕙心亦都一同出席活動，為無私奉獻嘅關愛隊打氣 。
活動期間，多名關愛隊代表同大家分享佢哋嘅服務經驗同埋感受：
1. 東涌北關愛隊副隊長葉培基分享一名長者由於丈夫因病去世感到不安同無助，關愛隊多次上門慰問，更主動邀得婆婆成為關愛隊義工，助人自助 。
2. 長洲關愛隊隊長陳嘉麗分享關愛隊安排居於院舍嘅長者，喺一年一度嘅太平清醮期間，出外觀賞神功戲 同埋搶包山，等佢哋參與活動同融入島上嘅節慶氣氛中。
3. 逸東邨北關愛隊義工陳綺雯分享喺去年11月東涌區內發生大型停水事故 ，關愛隊收到通知後立即出動，通知居民做好停水嘅準備，更通宵達旦當值，實時關注水車嘅使用狀況，支援受影響嘅居民。
4. 滿逸關愛隊夥伴團體東涌住區網絡代表兼滿逸關愛隊隊長劉展鵬，分享如何建立同善用龐大嘅義工同居民網絡，喺日常生活同緊急事故中，為居民提供支援 。
離島民政處同離島區關愛隊將繼續秉持「民政幫到你」嘅精神，為社區貢獻力量，攜手打造一個更和諧、關愛嘅社會環境。
