@ 
青年發展一向都係深水埗區發展重點之一，作為本區嘅活力象徵，深DUCK尋日(10/6)接待咗20多位嚟自北京大學燕京學堂嘅師生同中美交流基金會嘅代表！
深水埗助理專員陳樂桐首先介紹深水埗嘅歷史、地區特色同未來發展方向，以及打造創意社區為青年提供更多發展平台嘅願景。之後大家就出發參觀以下兩個富歷史文化及發展潛力嘅旅遊熱點：
第一站 - 美荷樓：探索美荷樓嘅活化工程，讓青年了解香港公共房屋嘅歷史變遷，仲有機會一探昔日居民嘅生活點滴。
第二站 - 前深水埗配水庫：認識配水庫嘅歷史背景，欣賞其獨特內部結構同建築特色，深入了解深水埗同九龍半島嘅供水系統。
多謝香港青年旅舍協會同水務署代表精心安排兩場導賞團！見到同學仔滿臉笑容，就知呢趟旅程有幾咁精彩豐富啦。希望代表團嘅同學玩得開心，收穫滿滿，下次再嚟深水埗玩呀！
@ 