@ 
由元朗區體育會主辦、元朗民政處協辦、香港賽馬會贊助嘅《香港國安法》頒佈五周年閃避「求」 挑戰賽，14/6喺元朗體育館舉行。活動除咗畀熱愛閃避球嘅朋友可以大展身手外，仲同時慶祝 《香港國安法》公布實施五周年並宣傳反恐訊息，讓參加者同街坊能夠提升保障自身同國家安全嘅意識 。
挑戰賽吸引咗好多青少年參加，大家為咗爭奪冠軍 ，傾盡全力，現場打氣聲此起彼落，場面非常熱鬧 ！大會邀請到元朗民政助理專員高倬煒、香港賽馬會對外事務副總經理鄧建明、元朗區議員沈豪傑，以及多位地區領袖一同主禮，跟得獎者分享喜悅。
今次閃避球比賽除咗展現團隊合作精神 ，閃避球靈活多變 嘅運動模式，同反恐緊急應變「閃、避、求」指引 互相呼應，讓青年於比賽過程中實踐危機處理及反恐技巧 。場內又特別設有展板及攤位，以加強市民大眾對《香港國安法》公布實施五周年嘅了解！
維護國家主權、安全同發展利益除咗係香港特區嘅憲制責任，亦係每一個香港市民嘅應有之義，而喺危急關頭點樣可以自救同救人亦都好值得我哋學習。就等我哋一齊為香港嘅安全同穩定而努力 。
@ 
@