@ 
新一屆「沙田區青年發展及公民教育委員會」及「沙田區青年社區建設委員會」分別喺12/6同13/6召開左第1次會議 。兩個委員會分別由主席王槐裕及主席方俊文帶領 。委員整體平均年齡為35歲以下，都係來自唔同領域嘅人士 ，當中包括中學生 、大學生 、校長 、地區工作者 、企業家同專業人士等 ，人才濟濟，共同為建設更美好嘅社區建言獻策。
沙田民政專員余懷誠出席會議，與委員互相認識同交流，鼓勵大家同心協力 ，舉辦多元又精彩嘅活動 ，凝聚區內青年同居民 ，加強佢哋對社區嘅歸屬感同承擔。
兩個委員會分別討論咗今年嘅活動計劃 。其中「青年發展及公民教育委員會」將成立多個活動工作小組 ，就青年發展計劃撥款申請、內地交流團等提出意見 ；「青年社區建設委員會」則商討美化城門河河畔健體園地及優化健體設施 ，希望為區內居民提供更完善嘅社區設施 。
沙田區兩個地區青年委員會嘅委員將發揮所長 ，積極參與公共事務，推動地區建設 。
@