@ 
新一屆「葵青區青年社區建設委員會」及「葵青區青年發展及公民教育委員會」已分別喺5月27日及6月10日舉行首次會議 。
今屆委員平均年齡分別為31歲及33歲，比上一屆更為年輕 。委員來自建築、法律、教育、金融、創科、社福、商界等不同專業界別 ，充份展現跨界別青年力量。儘管首次見面，大家已迅速建立默契，熱烈交流對地區設施及青年發展嘅期望，同時亦分享葵青區對個人嘅獨特意義 。
會上，葵青民政專員鄧顯權分別向兩個委員會主席—馬家駿及黃定康，以及全體委員頒發委任狀 。佢特別提到，今屆委員會有兩位少數族裔青年加入 ，象徵葵青區多元文化嘅進一步融合。專員表示，葵青區一向係一個兼容並蓄、充滿活力嘅社區。多年來，葵青民政處與荃灣及葵青區共44間中學保持緊密合作，其中僅一間為官立學校，足見區內教育生態百花齊放、理念多元 。
專員亦指出，在過去兩年，地區青年工作獲得社會各界廣泛認可，成效有目共睹 。然而，面對不斷變化嘅社會環境與地區需要，未來仍充滿挑戰。佢勉勵各位委員繼續積極參與、群策群力，響應《青年發展藍圖》嘅願景，為推動青年事務出謀獻策、注入新動力 。
