@ 
荃灣區耆樂警訊舉辦嘅「四日 三夜 潮陽、潮汕交流團」完滿結束 ！
6月11日，由荃灣警區副指揮官鄧國雄高級警司 、警民關係主任陳學俊總督察 、團長荃灣區耆樂警訊名譽會長會主席蘇陳偉香、會長陳耀星及會長許潘玉儀 帶住32位荃灣區耆樂警訊老友記 浩 浩蕩蕩出發去到潮州、潮陽進行交流。6月14日，一班老友記 帶住依依不捨嘅心情離開潮州，乘搭高鐵 返回香港。
成個旅程，一齊去咗好個唔同嘅地方交流/參觀/打咭，包括朝陽區潮陽啓聲國際學校 、汕頭小公園步行街 、陳慈黌故居 、南澳島「北回歸線地標」 、潮州古城 、廣濟橋 、開元寺同小食街 、潮州歷史文化博物館 。 成個行程十分緊湊、豐富。
非常感謝荃灣區耆樂警訊名譽會長會嘅全力贊助 - 今次「四日三夜嘅潮陽、潮汕交流團 」，為荃灣區耆樂警訊嘅老友記 帶嚟一個遠離煩囂，尋根文化之旅。如果老友記們 你哋都想有同樣嘅體驗，就快啲加入荃灣警區耆樂警訊呀！
