@ 
由黃大仙區文娛協會主辦，黃大仙民政處、黃大仙區中學校長會、黃大仙區小學校長會，以及黃大仙區家長教師聯會合辦嘅「黃大仙有個荷里活2.0」載譽歸來啦 ！
今日(14/6)，黃大仙民政專員Thomas、大會顧問兼名導——黎文卓、章國明、冼杞然、袁立勳、香港黃大仙工商業聯會永遠榮譽會長譚炳立博士、以及一眾黃大仙區學校校長蒞臨主禮 ，嘉許得獎同學 。
區內小學生同中學生都十分踴躍參加 ，自行組隊拍攝以「講好香港故事」為主題嘅微電影 ，題材包括國民身份認同、廉潔、守法、禁毒、警民關係、責任感、尊重他人等等 。喺創作嘅過程中，除咗有名導嘅指點外 ，亦得到星級顧問——莊澄及文雋嘅耐心教導 ，讓同學仔嘅作品內容更加豐富 。
經過專業嘅評審，各類獎項，包括最佳電影、最佳導演、最佳男/女演員、最佳男/女配角等均相繼揭曉 ，恭喜得獎嘅同學仔 ，希望下屆再接再厲 ！
黃大仙民政處會繼續與地區團體攜手合作 ，建構多元平台支援青少年發掘個人興趣及潛能 ，鼓勵青年做好生涯規劃，努力向著目標奮進前行
@