@ 
「關愛隊嘉許計劃」嚟到葵青區啦！
葵青區關愛隊成立至今已服務超過16000名長者及提供超過700項嘅地區活動，包括家居維修及清潔、健康講座、節慶活動等，為居民提供貼心嘅關愛服務。關愛隊亦不分晝夜喺發生突發事故時出動 ，協助及支援居民，充分展現出「民政幫到你」嘅精神。
民政及青年事務局局長麥美娟感謝葵青區31隊關愛隊成員、義工及夥伴團體嘅付出及無私奉獻！過去一年半，葵青區經歷停水停電等事故，局長讚賞關愛隊成員主動慰問關心、提供物資援助，有效減輕事故影響，令受助者感到溫暖，亦增強咗社區凝聚力。民青局副局長梁宏正、民政總署副署長易志宏、助理署長岑曉彤同埋葵青民政專員鄧顯權亦都齊齊出席支持，肯定葵青區關愛隊對社區嘅貢獻 ！
今次嘅活動仲有葵青區關愛隊嘅成員同大家分享佢哋嘅服務經驗及感受：
大白田西關愛隊成員陳炳鴻：致力促進社區共融，舉辦關懷少數族裔嘅活動，透過增進彼此理解，更能準確掌握少數族裔嘅需求，以提供適切支援。
祖堯關愛隊隊長黃俊揚：廣泛宣傳「乙型肝炎快速檢測計劃」，搵出隱形「乙型肝炎」嘅患者，從醫療、社會及福利角度為葵青區居民服務。
葵盛西邨關愛隊隊長劉美璐：多次處理突發緊急事故，第一時間前往現場，了解情況，向居民發放最新資訊，協助及安撫居民情緒。
葵青民政處同葵青區關愛隊會繼續同各方合作，秉持着關愛社區嘅精神，為區內居民謀幸福，攜手共建更美好嘅葵青區 。
