屯門警區防騙太極扇及「耆」樂無窮龍獅班

新嘅防騙太極扇班7月23日開始啦！一班老友記齊齊揮舞扇子，將太極拳同武術嘅動作靈活結合，下下勁度十足，剛柔相濟。讓生命散發着内外合一的美感與力量，融合咗中華傳統武術精華。

同日，耆樂無窮龍獅班正式出獅啦！雖然夏日炎炎，但係一班老友記位位精力十足，老當益壯。第一堂老友記就懂得站穩馬步，跟住鼓聲舞動獅頭和擺動獅尾，縱使大汗淋漓，但個個都樂在其中，覺得好好玩，既可以體驗不同的東西，亦可以傳承中國文化。