@ 
大埔文娛中心自 2021年起關閉進行設施提升工程 ，終於喺23/6首階段重開喇 ！文娛中心同相鄰嘅大埔藝術中心作為區內文藝地標，重開後相信會為區內居民提供一個具文化藝術氛圍嘅空間，並連結一眾藝術團體，喺高質素嘅環境配套下為市民帶來不同類型的精彩文化藝術活動 ！
文娛中心重開前，大埔民政專員陳巧敏連同一眾大埔區議員及增選委員率先到場視察，並同康文署職員交流，以全力準備及支持呢件大埔街坊非常重視嘅項目 。
首階段重開嘅設施包括戶外空間、擴建後嘅大堂、無障礙通道及相關設施，以及兩個活動室。大堂亦設有自助售票機，方便觀眾購票同取票。此外，大埔文娛中心嘅戶外空間亦將二十四小時開放，便利市民。
除咗硬件配套升級，大埔文娛中心嘅租用價格亦非常相宜，已經有唔少團體租用咗活動室喇 。專員、區議員同委員們亦了解咗包括演藝廳及黑盒劇場等嘅工程進度，其他設施預計喺2025年底完成。
康樂及文化事務署亦將會同大埔民政處緊密合作，透過民政處將大埔區嘅文娛活動資訊 發放畀地區人士、學校、屋苑以及其他團體，讓大家更快更方便掌握到第一手嘅區內文娛康樂活動 ！
