@ 
大埔區青年網絡非常榮幸獲中銀國際邀請，派出近40名青年義工，21/6參與由智行基金會舉辦嘅「愛心同遊海洋公園」 慈善活動 ，接待30多位來自國內嘅學生，親親國寶級網紅雙胞胎 「加加」（家姐）同「得得」（細佬） ！
兩地青年把握機會分享兩地文化，互相介紹當地美食 、兩地校園生活及學習簡單嘅地方方言 。透過文化交流，大青成員與內地學生建立起真摯嘅友誼 ，大家都收穫滿滿啊 ，真正做到「看世界、夢未來」 ！
智行基金會每逢暑假 都會為國內不同階段嘅學生創造難忘嘅活動體驗。今年智行基金會將會喺全國不同地方舉辦多個夏令營 ，希望幫助受到疾病、歧視及貧困所影響嘅學生 ，讓內地孩子們親身體驗鄉村以外嘅生活，擴闊視野 ，啟發佢哋追尋各自嘅夢想 ，積極面對困境，努力學習，改寫自己命運 。本年度首個大灣區夏令營6月19日嚟到香港！
大埔青年網絡衷心鳴謝中銀國際提供機會予大埔青網成員參與活動 ！
愛心義工無國界，行善最樂在社區 ！如果你哋都想參與大埔青網嘅活動，可透過民青局最新手機apps HKYouth+ 網上報名或者whatsapp 6278 0733大埔青網直接報名亦得 ，下次活動預埋你喇。
