屯門區大廈管理 x 修例睇真D講座

為咗協助屯門區大廈管理組織做好大廈管理 ，屯門民政處20/6舉辦咗「屯門區大廈管理 x 修例睇真D講座」 ，當中包括介紹將會喺7月13日正式實施嘅《2024年建築物管理（修訂）條例》 嘅內容。講座除咗有多個區內法團、業委會同管理處代表出席外，仲有一班關心大廈管理嘅區議員 。

除咗修例內容，今次講座仲邀請咗專家及律師分享同日常大廈管理息息相關嘅知識，包括簡介《減廢回收 約章》 、點樣處理樓宇滲水問題，及大廈噪音及環境滋擾案例分析。參加者都好踴躍交流及發問 。講座完結後，參加者都繼續同講者交流大廈管理嘅經驗。相信參加者都能夠將講座所得學以致用，喺日常大廈管理工作更加得心應手 ，大家就可以安居樂業 。