@ 
中西區民政處早前（16-21/7）聯同中西區青年發展及公民教育委員會、中西區青年網絡合辦「港寧非遺文化之旅」，帶領近三十位區內中學生到寧夏回族自治區，體驗非遺文化嘅魅力及與當地青年交流。
交流團以非遺文化為題，一眾同學體驗咗多項活動，包括剪紙、刺繡、唱寧夏民歌「花兒」、製作回族特色小食油香及饊子等，認識不同非遺技藝。佢哋都好用心學習，更明白到每項手藝都需要日以繼夜咁練習及用心製作，深深佩服非遺文化傳承人對傳承傳統文化嘅堅持！
交流團仲遊覽咗寧夏博物館、西夏王陵、納家戶清真寺、沙湖及杞子園等具歷史意義、回族文化同生態特色嘅景點，亦參加咗當地政府部門舉辦嘅交流晚宴同拜訪當地學生家庭。喺哈巴湖篝火晚會上，兩地青年更一齊載歌載舞，互相切磋才藝，場面難忘！
同學喺旅程中不單體驗到中國少數民族嘅文化同非遺文化嘅魅力，加深咗對中華傳統文化嘅認識同喜愛，仲表示日後會積極參與非遺保護同傳承嘅活動！
