@ 
為慶祝香港特區成立28周年呢個大日子 ，元朗民政處聯同元朗區慶祝香港特別行政區成立28周年統籌委員會，喺區內嘅主要地點展示琳瑯滿目 嘅布置裝飾 ，包括國旗、區旗、大小型橫額、燈柱旗、串旗同戶外貼紙裝飾 等，以增添節慶氣氛，同區內居民共賀回歸呢個大日子 。
元朗係「城鄉共融」嘅多元化社區，區內特色裝置 一定唔少得傳統嘅大型 花牌。一如以往，除咗元朗六鄉鄕事委員會辦事處一帶外，最吸睛 嘅當然係元朗民政處大廈對出小花圃 前嘅LED燈 大型花牌。 花牌手工精緻，有龍柱 及孔雀 傳統吉祥物作為裝飾，寓意吉祥如意及繁榮安定。大家途經元朗大馬路嘅時候，不妨打卡 留念，感受一下回歸嘅熱鬧氣氛 。
而為咗迎接咁開心 嘅大日子，元朗區將舉行一連串精彩嘅活動，同大家 開開心心共賀香港特區回歸祖國廿八載 。當中包括：
1/7 - 天水圍銀座廣場
上午7時45分：既隆重又莊嚴嘅「升旗禮」
下午1時30分：一家大細 都啱玩嘅「 嘉年華 」；
5/7 - 元朗劇院
下午2時15分及晚上7時15分
由鳴芝聲劇團主演嘅「粵劇欣賞會」
