@ 
為迎接香港回歸祖國28周年，葵青民政處喺區內多個主要地點精心布置咗璀燦奪目嘅慶回歸裝飾 ，同市民分享回歸嘅喜悅 ！
葵青鐘樓同鄰近商場一向係葵青區嘅潮流地標，人氣旺盛。今年葵青民政處喺葵芳港鐵站 對出嘅葵青鐘樓及周邊範圍設置咗以金紫荊 為主題嘅燈飾布置，寓意香港欣欣向榮 、繁榮穩定 。鐘樓旁邊嘅避雨亭更展示咗以葵青區地標為造型嘅霓虹燈 ，盡顯葵青獨有特色同迷人魅力，令人目不暇給 。
此外，區內九個社區會堂/中心 都以不同形式展示國旗、區旗及主題宣傳橫額；區內避雨亭壁報板亦張貼咗宣傳回歸嘅海報；主要道路都掛上燈柱彩旗 。葵青發展義工團更喺區內主要街道懸掛宣傳橫額；青衣鄉事會亦展示大型花牌祝賀，令慶回歸嘅歡騰氣氛傳遍區內每個角落 ！
區內企業亦一同響應，喺大廈頂層、外牆電子屏幕，以及廠房頂層都展示咗大型慶回歸橫額、連接葵芳港鐵站嘅行人天橋亦掛滿閃爍嘅燈串 ，同鐘樓回歸燈飾互相呼應，為葵青區賀回歸增添濃厚節慶氣氛 。
今年適逢《香港國安法》公布實施5周年，意義非凡。葵青民政處特意喺葵青劇院對出熙來攘往嘅迴旋處添設「國安、家安 、民安」為主題嘅燈飾；大窩口社區會堂及長發社區會堂更展示巨型橫額，向市民推廣國家安全嘅重要性。
歡迎各位市民蒞臨葵青區欣賞回歸裝飾同影多啲靚相 ，一齊熱烈慶祝香港回歸祖國28周年 ！
另外，葵青民政處將聯同多個地區團體合辦一系列「回歸廿八載 葵青築未來」活動，同市民開心慶回歸 。活動預告如下：
30/6 （一）折子戲欣賞會（鳴芝聲劇團）
晚上7:00 至 10:30
@葵青劇院演藝廳
1/7 （二）升旗禮上午11:00 至 下午1:00
@長發體育館
1/7（二）新興運動同樂日
下午3:00 至 6:00
@長發體育館
1/7（二）嘉年華會
下午2:00 至 5:00
@佛教林炳炎紀念學校 @石籬社區會堂 @荔景社區會堂 @葵芳社區會堂 @葵盛社區會堂 @長發社區中心 @長青社區會堂 @長亨社區會堂 @青衣邨社區會堂
1/7（二）金曲妙韻慶回歸
晚上7:00 至 10:30
@葵青劇院演藝廳
19/7（六）國民教育電影欣賞
下午2:00 至 5:00
@青衣長亨社區會堂
