@ 
北區除咗上粉沙打，仲有鴨洲吉澳等外島，同埋沙頭角海同印洲塘嘅海域，所以我哋都好關注海上安全㗎。北區民政專員賴子堅喺上星期四(26/6)就同北區撲滅罪行委員會一眾委員參觀西灣河水警訓練學校 ，增進對水警訓練同埋維護海上安全嘅認識。
一行人首先參觀水警總部歷史 走廊同水警訓練學校 ，加深委員對水警歷史、訓練課程同裝備嘅了解。委員然後體驗咗AI模擬駕駛室 ，認識水警點樣利用AI 模擬駕駛室，模擬喺唔同嘅惡劣環境 下執行海上任務，加強水警嘅海上應變能力 ，保障香港水域安全。水警之後更加安排委員坐水警輪 出海，駛到將軍澳附近水域觀摩無人機隊 同小艇 分隊舉行嘅海上演習，親身體驗水警結合無人機科技嘅海上巡邏。水警會利用無人機先偵測 ，然後就派出小艇隊追截 可疑船隻 或者做拯救 ，令一眾委員大開眼界。
北區滅罪會一向關注區內陸地 、海上 同外島 嘅治安，會繼續同警方拍住上 ，推廣滅罪同安全信息 ，幫居民提高防罪意識。
