@ 
大埔區唔少年青人熱愛運動之餘亦踴躍透過義工服務作出貢獻。上個周末，區內就分別有青年網絡單車送暖義工團以及聯校毅力行兩場精彩而有意義嘅活動，非常充實！
大埔青網單車送暖義工團@大埔墟長者關愛送暖
大埔青網海陸空青年義工工作小組召集人張育文、青年領袖工作小組召集人梁中明和關愛隊大埔墟小區隊長溫官球，29/6率領大埔墟小區關愛隊 ，及30多位大埔青網義工 一齊以運動 派送關愛 ，連結社區 ！
一眾義工先踩單車 到大埔工業邨收集本地製造商提供嘅點心 、乳酸菌飲品 、醬料包 及醬油 ，之後前往寶鄉邨匯合大埔墟小區關愛隊 ，探訪大埔墟唐樓及三無大廈近30戶長者 ，連同香港道教文化協會捐贈嘅愛心福袋 同祝福帶畀佢哋，再次展現大埔青網熱心服務社區嘅精神 ！
嚟緊大埔青網單車送暖義工團陸續都有服務！詳情請密切留意大埔青網Facebook同IG嘅最新消息！ 唔想遲咗報唔到名，又想第一時間收到最新活動資訊？快啲whatsapp大埔青網6278 0733，或者透過民青局最新手機apps HKYouth+ 登記！
響應全運 聯校毅力行2025@大埔
為響應全運同擁抱自然，28/6，由TTR 毅行教室慈善基金主辦，大埔民政處、新界中學校長會同大埔區中學校長會全力支持，鵬程慈善基金贊助嘅「聯校毅力行2025」中學青少年越野跑錦標賽再一次喺大埔林村許願廣場舉行 ！大埔民政專員陳巧敏到場參與鳴槍儀式，並同鵬程慈善基金創辦人鍾志平博士以及毅行教室慈善基金創辦人陳國強等嘉賓為各參賽健兒打氣。
活動吸引咗區內外共12間中學及大埔區青年網絡，超過200名中學生一齊挑戰6公里及4公里賽事。 大埔區青年網絡温愷純同李洛程更分別勇奪女子初中組冠軍及季軍，可喜可賀！
