@ 
為慶祝香港回歸祖國28周年，第一個以「北區」為主題嘅微縮藝術展喺上水匯商場隆重登場 ！藝術展展出同特區歲數一樣嘅28件精緻作品，藝術家仲特別製作代表北區「上粉沙打」四區嘅模型，有建築宏偉嘅廖萬石堂 、熱鬧喜慶嘅龍躍頭鄉太平清醮 、默默守護嘅麥景陶碉堡 ，同埋優美律動嘅沙頭角魚燈舞 。戲棚入面嘅花旦figure 造型華麗 、栩栩如生，祠堂內嘅迷你舞麒麟亦相當可愛逼真！大家記得嚟睇真啲 ，細心欣賞藝術家嘅精湛手藝！
27/6舉行嘅開幕典禮仲邀請咗民政總署署長杜潔麗蒞臨主禮 。署長特別提到藝術展畀大家一次過欣賞北區唔同嘅景色 同文化，希望大家睇完展覽，再親身去各大景點遊覽，品嚐北區美食 ，順便消費 ！
展覽期間嘅兩個周末同埋7月1日，參觀嘅朋友仲有機會獲贈4款限量版精美明信片 ，又有特色紀念印章。記得要齊集全套，真正「打卡」 呀！大家記住喺7月9日前過嚟睇展覽 、遊北區 、嚐地道美食 、齊消費賀回歸！
活動詳情
日期：6月26日至7月9日
時間：11am-9pm
地點：新界上水龍琛路上水匯2樓中庭
@