@ 
為慶祝香港回歸28周年嘅大日子，大埔各界喺區內舉辦十多場精彩活動，全日共有近8,000人次參與各項活動，共同熱烈慶祝香港回歸28周年！
大埔海濱公園升旗禮
600名大埔街坊參與，由學生及制服團隊成員負責奏樂同擔任儀仗隊；主禮嘉賓致辭更特別提到新界六日戰爭以及英軍喺今日嘅大埔海濱公園登陸等嘅歷史，期盼參與者銘記歷史，珍惜香港得來不易嘅繁榮穩定，真正明白香港回歸祖國嘅重大意義！
林村許願廣場升旗禮
林村鄉民連同新界北交通安全隊隊員、黃福鑾紀念學校學生同家長以及林村先鋒服務團，超過400人齊聚林村許願廣場，以莊嚴嘅升旗儀式慶祝香港回歸，並祝願國家富強昌盛。主辦單位亦安排咗緊扣新界同大埔歷史嘅國民教育展覽，仲專誠同負責儀式嘅同學進行國家安全分享，讓大家明白自己肩負嘅使命。
大埔七個社區中心及會堂舉辦「歌舞昇平在大埔」
7場活動共超過3,000位街坊出席；特別邀請大埔青年管弦樂團喺活動主場館東昌街康體大樓作精彩嘅演出 ，展現大埔年青人對回歸盛事嘅重視！
「大埔慶回歸·迎全運 青少年5人足球比賽暨運動嘉年華」
全日吸引超過3,000人次、一共40多隊來自全港各區嘅足球 小健兒參與！除咗場上熱血沸騰，賽場外嘉年華響應「激情全運會，活力大灣區」嘅精神，聯同大埔區多支關愛隊安排不同嘅攤位遊戲及新興運動體驗（包括：匹克球、圓網球、躲避盤 同AI籃球投射 ）。
政制及內地事務局亦特別安排咗遊戲攤位 、展覽 同打卡位 ，畀市民以輕鬆手法加深對完善選舉制度嘅認識！
出席活動嘉賓包括政制及內地事務局副局長胡健民；立法會議員李梓敬、郭玲麗、梁子穎、黎棟國；大埔民政專員陳巧敏；中聯辦新界工作部處長郭展偉；深圳市福田區常委王立萍、統戰部副部長李恒；新界東潮人聯會主席蘇振聲；新社聯大埔地委會主席黃碧嬌；大埔及西貢北約鄉事委員會主席林奕權同李耀斌等。
「青少年五人足球比賽暨運動嘉年華」活動由大埔民政處聯同新界東潮人聯會主辧；協辦單位包括青河球會、福田區海聯會及新界社團聯會大埔地區委員會。
