@ 
「七一」回歸28周年嘅大日子，元朗民政處聯同元朗區慶祝香港特別行政區成立28周年統籌委員會及元朗各界協會，上午喺天水圍銀座廣場舉行隆重又莊嚴嘅升旗禮後，下午再攜手合辦至啱一家大細去嘅嘉年華活動。節目內容豐富，現場氣氛熱鬧，大家開開心心齊賀香港特區成立28載！
上午舉行嘅升旗禮由中聯辦新界工作部處長周文靈、港區全國政協委員梁志祥及呂堅、立法會議員張欣宇、元朗民政助理專員高倬煒等𦲷臨主禮 。典禮先由民眾安全服務隊升旗隊進行嘅升旗儀式揭開序幕 。隨著國旗同區旗徐徐升起，藉此祝願祖國國泰民安、香港繁榮昌盛、元朗政通人和。
下午嘅嘉年華活動，大會好榮幸邀請到中聯辦新界工作部副處長龐杰釗、港區全國政協委員呂堅、元朗民政助理專員曾進等擔任主禮嘉賓 ，同巿民一齊感受「七一」喜氣洋洋嘅氣氛 。
現場設有20幾個特色攤位 ，包括特色嘅手工藝工作坊 同兒童彩繪體驗 等。大會又安排咗好多精彩嘅綜合表演 同深受小朋友歡迎嘅充氣彈床 等。雖然天氣熱辣辣，但無阻一眾市民慶祝回歸嘅興奮心情 ，大家都盡慶而歸。
