@ 
7月1日，西貢區各界聯合會聯同西貢民政處，喺坑口體育館舉行充滿歡樂氣氛 嘅綜藝匯演，同居民一齊慶祝香港特別行政區成立28周年 。活動邀請到中聯辦新界工作部副部長朱宜華、西貢民政專員兼西貢區議會主席馬瓊芬Kathy、立法會議員李世榮及林素蔚、西貢區議員、地區賢達及政府部門代表蒞臨主禮，為精彩嘅慶回歸表演節目揭開序幕 ！匯演有區內十多間中、小學及幼稚園同學參與音樂 、舞蹈 、武術 等精彩表演，觀眾都非常投入觀賞表演，掌聲滿場 。
今年適逢中國人民抗日戰爭暨世界反法西斯戰爭勝利80 周年，大會特意於場館大堂安排咗「同禦鐵蹄──香港的抗戰歲月」展覽，讓大家認識香港支援內地抗戰、抵抗日軍侵略嘅重大貢獻。
另外，Kathy專員日前帶領將軍澳香島中學以及西貢崇真天主教學校(小學部)同學去到將軍澳海濱長廊一帶一齊布置國旗及特區區旗，一片旗海隨風飄揚，同學們表示置身其中感到非常興奮周自豪。
今年係香港回歸祖國28周年，西貢民政處會繼續與地區團體、社區人士緊密合作 ，共建更美好嘅社區。
@