@ 
香港特別行政區成立28周年，屯門區周圍都多咗節慶嘅裝飾，處處洋溢著喜慶嘅氣氛！
屯門區升旗禮有超過300人出席，其中有約130位來自屯門區嘅中、小學同學。升旗儀式邀請到多次喺全港比賽中獲獎 嘅香海正覺蓮社佛教梁植偉中學升旗隊以中式步操進行，仲有屯門區傑生一早到場協助維持場地秩序 。典禮儀式同酒會 緊接升旗禮舉行，獲得眾多地區領袖、賢達同嘉賓一齊出席 ，同賀香港回歸祖國28周年嘅大日子 。
出席屯門區升旗禮嘅主禮嘉賓除咗屯門民政專員關可臨，仲有中聯辦新界工作部處長李偉希、屯門區議會屯門大型活動工作小組主席雲天壯、屯門警區指揮官馬偉卿及康文署高級經理鍾勤喜 。
關專員致辭時，表示好高興見到咁多屯門區嘅青年人協助同出席升旗活動，感受到大家對身為中國人嘅驕傲，以及對屯門區嘅關愛 ！關專員仲呼籲在場合資格嘅選民，記得喺今年12月7日踴躍投票，選出愛國愛港、才德兼備嘅立法會議員 。
祝願國家富強昌盛！香港繁榮安定！屯門風調雨順！
