@ 
新一屆嘅屯門區傑出學生得獎名單終於揭曉啦 ！由屯門青年協會主辦嘅「屯門區傑出學生選舉」一向係屯門區學界盛事，廣受學生、學校、家長及地區團體嘅鼎力支持及推崇 ！今年已經嚟到第 屆 ，候選嘅同學要喺選拔過程展示超卓個人素質、優秀品格以及服務社群嘅熱忱，務求讓評判團 留下深刻嘅印象，獲取高評分 。今年獲獎嘅10位傑出學生同30位優秀學生 能夠喺眾多參賽者中脫穎而出，絕不容易 。
屯門民政專員關可臨、中聯辦新界工作部處長李成德以及多個政府部門代表，聯同屯門青年協會主席兼屯門區議員陳浩庭，以及協會同新界青年聯會嘅嘉賓，今日（5/7）向本年度嘅傑出學生及得獎同學頒發證書 及獎盃 。
關專員致辭時 勉勵在場青年，要繼續維持積極正向 嘅心態，發揮個人所長 ，喺學業上爭取好成績 ，亦鼓勵同推動身邊嘅同學一同服務屯門區 。就好似屯門傑生剛剛喺屯門區七一升旗禮到場提供協助，同心為屯門區賀回歸 周年嘅活動出多分力！
同學知道嚟緊屯門區將會舉辦多項大型活動，包括屯門沙灘節以及夜屯園等 ，已經急不及待查詢活動詳情，要報名出席提供義工服務，可見屯門區嘅學生積極主動，攜手並肩為屯門區貢獻力量 ！
歡迎參閱屯門區傑出學生選舉2025完整得獎名單 。